պարսատիկ

[պարսիկ + ատել]  անշառ պարսատյացություն դրսևորող անձ, ազգային-պահպանողական շարժում, որի ներկայացուցչները՝ պարսատիկները չտես ու հուշտհուշտիկ այն հայերն են, ովքեր չեն թաքցնում նովրուզի տոնակատարության համար Հայաստան եկած պարսիկների հանդեպ իրենց ռասիստական անհանդուրժողականության հասնող վատ վերաբերմունքը, բայց ոչ ավելին: Պարսատյացության դրսևորումները հայոց մեջ այնքան խորը պատմական արմատներ ունեն, որ դրանք իրենց զգացնել են տալիս Երևանում իրանցի զբոսաշրջիկների հայտնվելուն պես՝ հրապարակներում ու սոցցանցերում հրահրելով մասսայական նևրուզ: Բարեբախտաբար պարսիստական դրսևորումները չեն անցնում ֆեսյբուքում պոստավարայրյան ոճի բարոյախրատական ստատուսներ գրելուց կամ էլիտար խանութներ պարսիկների մուտքը արգելելուց այնկողմ: Այս օրերին գրանցվում է նաև պարսիստ-տաքսիստների քցողականության կտրուկ աճ:

Հայաստան հանգստի այցելած իրանցիների իբրև շարքային տուրիստներ ընկալելուն հետևողականորեն խանգարում են նրանց շարքերում առկա բազմապատիկ պարսապզուկները, ում համար մեր հինավուրց և ծանԴր երկիրը սխալմամբ ասոցացվում է անսահմանափակ ալկոհոլի, հայրենական էրոտիկ ծառայությունների և եվրո-անսանձ վարքագծի հետ: Սրանք ոչ թե զբոսաշրջիկներ, այլ անբռնազբոս պատեհաշրջիկներ են, որ հետևանք, կամ անհետևանք արկածներ են փնտրում ու փաստորեն նաև գտնում մեր արևախանձ-վարդագույն մայրաքաղաքում:

Տես նաև՝ այլաբոհ, իրանախախտ, Իրանք, նովրուզաշառ, չԻրանի ծիր, պարսադուլ, պարսածոցիկ, պարսահուշտռիկ, պարսաչարչար, պարսատինք, պարսատիտիկ, նովրուզահայ, պարսավանք, պարսատիստ, պարսաֆոբիա:

պաթոսահայ

[պաթոս + հայ] Հայկական ինքնությունը (իբր թե) մարմնավորող իրերի, երևույթների, պատմական փաստերի, ստեղծագործությունների, աշխարհագրական վայրերի հանդեպ էքզիստենցիալ օրգազմիկ ապրումներ արտահայտող (երբեմն նույնիսկ զգացող) հայ: Առանձնանում են պաթոսահայի հայեցիորեն կրոնականացված, ռազմականացված և թատերականացված տարատեսակներ: Պաթոսահային կարող են գրգռել օրինակ «մենք քիչ ենք, սակայն մեզ հայ են ասում», «հայ գենի հաղթանակը» «հայեցի» «հայ մարդուն անհարիր» «ոսկեղենիկ մայրենի» «պարույր սևակ» արտահայտությունները:

Տես նաև՝ բաստուրմատոր

Օգտագործման օրինակ

  • Պաթոսահայ է կոչվում ողբահայի եւ մունաթահայի քնարերգական էքստատիկ սիմբիոզը: